“၀က်ဖြူရေ အတက်”

ကျနော်တို့အပေါင်းအသင်းတွေကြားမှာက..အသက် ၂၅ လောက်ဆိုရင် အိမ်ထောင်ပြုသင့်တဲ့အရွယ်ပေါ့လေ။ “အသက်အစိတ်မှ ပုခက်မချိတ်ရင် တစ်သက်မနိပ်ဘူး” ဘာညာပေါ့...ပြောကြဆိုကြတယ်ဗျ။
ကျနော်ကိုယ်တိုင်..အသက်အစိတ်ကိုတော်တော်ကျော်တက်လာတော့...ကျနော့်သူငယ်ချင်းတွေကိုယ်တိုင်လဲ
ဒီလိုပဲ..တစ်ချို့ကကျနော့်လိုပဲ...တော်တော်မနိပ်ကြသေးတာ...တွေ့တွေ့လာရတယ်လေ။
တစ်ချို့ကတော့..အိမ်ထောင်ပြုချင်ရက်နဲ့..ရည်းစားသနာဘာညာဆိုင်ရာပိုင်ရာတွေလဲရှိရက်နဲ့...
မပြုနိုင်ကြသေးတာ။ တချို့ကျတော့..ရည်းစားရယ်လို့လဲ..လက်ဆုပ်လက်ကိုင်မယ်မယ်ရရမရှိ..
အိမ်ထောင်လဲ..ရွယ်တူသူများတကာတွေရဲ့မင်္ဂလာဆောင်ပွဲတွေတက်ရတာဘာညာရှိလာတော့
ဖီးလ်က..နဲနဲဖြစ်လာ...ငါအလှည့်ကျရင်တော့..ဆိုတဲ့အတွေးက မင်္ဂလာဆောင်တွေသွားတိုင်းတွေးဖြစ်..
တွေးဖြစ်တိုင်းလဲ..ဘာကိုမှန်းမသိ စိတ်တိုင်းမကျဖြစ်ရ...ဖီးလ်တွေတက်...နောက်တော့..ခဏခဏဆိုတော့
မခံစားနိုင်တော့တာနဲ့...“ဟေ့..ငါတို့က...အပျိုကြီးလုပ်မှာ...အပူမရှာချင်ဘူးဟေ့...ဆားနဲ့ပဲစားရစားရ
အေးအေးသာသာပဲနေချင်တယ်ဟေ့...” ဘာညာပေါ့...အသံကောင်းတွေဘာတွေဟစ်ပီး...ရသေ့စိတ်ဖြေ
နေလိုက်ကြတော့တယ်။ စိတ်ထဲမှာတော့...“ဖူးစာရေးနတ်နှယ်...ဘယ်သဝေထိုးနေပါလိမ့်..ငါတစ်ယောက်
လုံးကို..မမြင်များ..မမြင်လေရော့သလား” ပေါ့။ဟိုသီချင်းလေးထဲကလိုပါပဲ...တော်တော်မှန်တဲ့သီချင်းလေးပါ။
“ သိက္ခာလဲမကျအောင်..လိပ်ပြာလဲလှအောင်..အိပ်ယာထဲကိုဝင်..နဖူးပေါ်လက်တင်..စိတ်ကူးလေးတွေယဉ်”
ဒီလို..ဒီလို...နေထိုင်ရှင်သန်ဖြတ်သန်း..တစ်ကိုယ်တော်ခရီးရှည်တွေ..တစ်ဝါထက်တစ်ဝါ ရှည်လျားထွေပြားလာ
မိသားစုတာဝန်တွေက...အိမ်က...အဖေအမေမိဘတွေက..ညီညီမတွေက..ဘာတွေက...ညာတွေက...
သူဟာနဲ့သူတော့..ရီဇင်နေဘယ်လ်ဖြစ်နေတာပါပဲ။ဒါပေမဲ့..လောကီကို..ပယ်စွန့်ထားကြသူတွေမှမဟုတ်ပဲ။
အားလုံး(အားလုံးနီးပါး..)ရဲ့ရင်ထဲမှာ...ဘ၀အမောတွေကို..ဘယ်လိုဖြေမလဲ..ဘယ်မှာဖြေမလဲ..ဘယ်တော့ဖြေမလဲ..
ဆိုတဲ့အတွေး..စိတ်ကူး..အိပ်မက်...မရှိဘူးလို့မပြောနိုင်ပါဘူး (..လို့...ထင်တာပဲလေ။..အဟဲ။)

ကလောဆိုတာက..ရှမ်းပြည်တောင်ပိုင်းဖက်ကားနဲ့ရောက်ဖူးသူတိုင်းဖြတ်ဝင်ရတဲ့တောင်ပေါ်စခန်းမြို့လေးပါ။
ဟိုးရှေးတုန်းကဗြိတိသျှခေတ် တစ်ခေတ်သာမရှိခဲ့ရင်..ကလောမြို့လေးရဲ့အလှက တောကကွမ်းတောင်ကိုင်
စာဥလေးလိုပဲ.. ရွက်ပုံးသီး ပလောင်ရွာလေးတစ်ရွာပဲဖြစ်နေမယ်ထင်ပါတယ်။သူတို့အပမ်းဖြေဖို့..မြို့ကို
ပုံသွင်းလိုက်တော့မှ...ရှိရင်းစွဲအလှတရားတွေက...ရုန်းကြွ..ဥရောပဆန်တဲ့မြို့လေးတစ်မြို့ရယ်လို့ဖြစ်လာ
ရတာကိုး။ ဒယ်အိုးကို(တစ်ချို့က ဇလုံ လို့ပြောတယ်)ပလောင်လို“ကလောက်”လို့ခေါ်တယ်လို့ကြားဖူးပါတယ်။
ကလောက်လို့ခေါ်ရာကနေ ကလောပေါ့..အဆင့်ဆင့်ဖြစ်လာတယ်ပေါ့လေ။
ဒယ်အိုးနှင့်တူသောမြို့ ပေါ့လေ။
တကယ်လဲ...ပတ်ပတ်လည်မှာကမြူခိုးတွေဆိုင်းနေတဲ့တောင်တွေပတ်လည်ဝန်းခြံရံထားတဲ့
ချိုင့်ဝှမ်းမညီမညာတွေကြားမှာ..မြို့ကိုမရမက တည်ထားတယ်။ ကုန်းဆင်းကုန်းတက်တွေနဲ့..မြို့ကလေးက..သွားရလာရတော်တော်ခက်တယ်။
အဲမြို့ကလေးဆီလာရာလမ်းကိုက....သာစည်ဖက်ကနေ..တက်လာပီဆိုတာနဲ့ကိုတော်တော်ခက်ခဲတော့တာ။
တောင်ပေါ်မြို့ဆိုတော့လေ..။ကားနဲ့တက်လာဖူးသူတွေတော့သိကြမယ်ဗျ။ဝက်ဖြူရေဆိုတာကို...။
ကလောအတက်က၀က်ဖြူရေ-ရေယောင်းမ-ရေယား ဆိုတဲ့ရွာလေးတွေထဲက..နာမည်ကြီးရွာလေးတစ်ရွာပါပဲ။
အဝေးပြေးခရီးသည်တင်ကားတွေ..ကုန်ကားတွေ..ခဏနားကြရတဲ့ရွာလေးတစ်ရွာပေါ့။
အဲနားလေးက...တောင်တက်လမ်းကလဲ..တော်တော်လေးနာမည်ကြီးတယ်...။အိမ်ပြန်လမ်းမှာ
အဲဒီနားလေးကိုရောက်တိုင်း...ကဗျာလေးထဲက..အတွေးတချို့ကို..ထိထိရှရှခံစားမိတဲ့အိမ်အပြန်
တစ်ခေါက်မှာတော့..ဒီကဗျာလေးကိုရေးမိသွားတယ်။

“၀က်ဖြူရေ အတက်”


ငါ့အပေါ် စီးမိုးထားတဲ့
တောင်ကမ်းပါးယံရယ်
ငါကငုံ့ကြည့်နေရတဲ့
တိမ်လွှာမျှင်တွေရယ်
တောင်ကတစ်ဖက်...တိမ်ကတစ်ဖက်
အသွားခက်လိုက်တာ။

သွားဖို့ပြင်နေတဲ့လမ်းတွေရယ်
သွားရင်းပြင်နေတဲ့လမ်းတွေရယ်
ဒီလိုပါပဲ..ဘ၀ဆိုတာ...
မီးစင်ကြည့်ကရတဲ့..ပွဲပေါ့။

အစွန်းရောက်ချင်တဲ့စိတ်တွေရယ်
အစွန်းလွတ်ချင်တဲ့စိတ်တွေရယ်
မီးဇာတစ်ဖက်...ရေမှုတ်တစ်ဖက်ဆိုတော့
ငိုရှိုက်ရင်းငြီးတွားရင်း....
ဂီယာကြီးနဲ့ ပန်းတက်ရ
ခေါက်ကွေ့တွေမှာ..ခြေကုန်လက်ပမ်းကျခဲ့ရနဲ့
အခု..ငါလေ..မောလွန်လွန်းလို့...
ကလောမြို့ရောက်ရင်..နားချင်ပြီ။ ။ ။


သရ

(ကဗျာဟောင်းများကိုတူးဆွမိသော..ဧပရယ်တစ်ညတွင်..
ဘ၀တူသူငယ်ချင်းများအတွက်ဟုဆိုကာရေးခဲ့သော ကဗျာတစ်ပုဒ်ကို
ခံစားမိသလောက်...ပြန်လည်ခံစားမိခြင်းမျှသာဖြစ်ကြောင်း)