ငါ စာကျက်တဲ့နေ့

မနက်စောစော..ကော်ဖီသောက်ရင်း သတင်းစာအဟောင်းတစ်စောင်ကိုကောက်ကိုင်မိတော့မှ..အရင်ကတည်းက
တွေးမိထားပီး...တွေးရုံအဆင့်မှာပဲထားထားသေးတဲ့...အတွေးလေးက..ခေါင်းထဲကမန်းကတန်းပြန်ဝင်လာတယ်။
“အင်း..အင်္ဂလိပ်စာလေးဘာလေး...ပြန်လေ့လာမှရမယ်။“အခြေခံရဲ့အခြေခံ”ကနေပြန်ပီးလေ့လာမှရတော့မယ်”
ဆိုတဲ့...ကိုယ့်အခြေအနေကိုယ်..အတွေးမှန်အမြင်မှန်ရမိတဲ့ မနက်စာလေးပါပဲ။
There is no more beautiful life than that of a student. ဆိုတဲ့စကားလေးသွားသတိရတယ်။
ပေါ့ပါးပျော်ရွှင်ခဲ့သောနေ့စွဲများဆိုတာ...လူတိုင်း..လူတိုင်းမှာအနည်းနဲ့အများရှိမှာပေါ့။ ကျောင်းသားဘ၀
ဆိုတာကတော့..တကယ်ပဲ ဘူးသီးဖိုး လိုက်ဖ် ပါ..။စာမှစာ...စာပီးတော့စာ...စာသာလျှင်ပထမ..စာသာလျှင်
ဒုတိယ..ဆိုတဲ့လူတွေကတော့..မသိဘူး..။ကျနော်တို့ကတော့..တော်တော်ပေါ့ပါးပျော်ရွှင်ခဲ့ပါတယ်။
ဘယ်လောက်ပေါ့ပါးပျော်ရွှင်ခဲ့ရသလဲဆိုရင်....ဆရာ ဆရာမတွေအမြင်မှာ ငပေငတေတွေလို့..
သတ်မှတ်လာတဲ့အထိ တော်တော်လေးလဲပေါ့ပျက်ပျက်ဖက်ကိုပို..ရောက်ခဲ့တယ်ထင်ပါတယ်။
ကျနော်တို့အတွက်ကတော့...တစ်နှစ်တစ်တန်းအောင်ခဲ့အောင်ကြိုးစားခဲ့တာကိုပဲ...ဟုတ်လှပီထင်နေတာ။
ဘာပဲဖြစ်ဖြစ်...ဘူးသီးဖိုး လိုက်ဖ် ကိုတော့...အဲဒီကာလတွေမှာ..ဖြတ်သန်းခဲ့ရဖူးပါတယ်။ကိုယ်ရဖူးတဲ့
ပေါ့ပါးပျော်ရွှင်ခဲ့ရတဲ့ဘ၀တွေကို...အမြဲတမ်းပြန်ပြန်သတိရ ရနေတတ်ရင်ကောင်းမှာ။စိတ်ပျိုဆေးပေါ့။
ကျောင်းတက်စာကျက်နဲ့..လောကဓံက..အဲဒီအရွယ်မှာ..တော်တော်ချိုမြိန်နိုင်ခဲ့ကြတာကိုး။
လိုက်ဘရီမှာ..တနေကုန်စာတွေဖတ်..ကဗျာတွေထိုင်ရေး..နဲ့..ကမ္ဘာကြီးတစ်ခုလုံး ကိုယ့်ဖက်မှာရှိနေသလိုလို
သွေးနထင်ရောက်နေ့စွဲတွေ..တစ်နေ့တော့ ငါ...တစ်ခုခုဖြစ်ရမယ်ဆိုတဲ့ ဘ၀င်တမျိုးနဲ့..
ကျောင်းရဲ့လမ်းမတွေပေါ် ခပ်ကြမ်းကြမ်းလျှောက်ခဲ့တာတွေ...ခုပြန်တွေးကြည့်တော့..
တကယ်ကိုအောက်မေ့တမ်းတလွမ်းဆွတ်ချင်စရာ။

စာအုပ်အဟောင်းလေးတွေဖွင့်ကြည့်တော့ အထဲက ကဗျာအဟောင်းလေးတွေ..ထွက်ကျလာတယ်။
“ကိုယ်တစ်ယောက်ထဲ ရဲရင့်ခဲ့ရသောနေ့စွဲလေးတွေအကြောင်း” ရေးထားတာနေမှာ...
(ဒီနေရာမှာ..ကျနော်ကဇာတ်ကြောင်းပြောသူနေရာရောက်သွားသလိုခံစားရလို့လေ...)
ဘ၀မှာရှိခဲ့ဖူးတဲ့ ကဗျာလေးတွေက...သူ့အကြောင်းတရားနဲ့သူ..ပြည့်စုံလုံလောက်နေခဲ့တာကို
ခုနေပြန်တွေးကြည့်တော့..ကျေနပ်ပါတယ်။

“သူများရေးတဲ့ ကဗျာကို ဖတ်ရတာ အားမလိုအားမရဖြစ်ရတဲ့အခါ..
ကိုယ်တိုင်ရေးထားတဲ့ကဗျာလေးတွေကို ပြန်ဖတ်ရတာကလဲ...တော်တော်လေး..ပျော်စရာကောင်းပါတယ်။”
(အဟမ်း..အဟမ်း...ရည်ညွန်း- ကျမ်းကိုး-ရက်ဖရန့်စ်..ဘာညာထဲ့စရာမလို... အချင်းချင်း...ကော်ပီရိုက် တွေဘာတွေလုပ်နေမဲ့အစား ကော်ဖီသာတိုက်လိုက်ပါဟု..အထက်ပါစာပိုဒ်ယူသုံးရန်တရားဝင်ခွင့်ပြုမိန့်ရရှိပီး)
လူတိုင်း လူတိုင်း..အဲသလို လွတ်လပ်စွာခမ်းနားထည်ဝါခွင့်...အပြည့်အ၀ ရခဲ့ကြတာပဲလေ...နော်။
ဟုတ်ဖူးလား။ကျနော်ခမ်းနားခဲ့တဲ့...ထည်ထည်ဝါ၀ါနေ့စွဲတွေကတော့...စိတ်ကိုစုပီးခဏလေးငြိမ်ငြိမ်ထိုင်
လိုက်တာနဲ့ ရလိုက်တဲ့အာရုံခံစားမှုတစ်ခုအတွက်..စကားလုံးတွေ..ဝေါဟာရတွေက တာကျိုးသလိုလက်ဖျားကနေစာရွက်တွေပေါ်ရောက်ခဲ့တဲ့ နေ့စွဲဝါ၀ါလေးတွေပါပဲ။ အမှန်တကယ်ပျော်ရွှင်ခဲ့ပါတယ်ဆိုတာကို ခုနေပြန်တွေးကြည့်လိုက်တော့..သိပ်မသေချာတော့သလိုပဲ။
၂၀၀၅ ခုနှစ်မှာ..ကဗျာတွေအများဆုံး တာကျိုးခဲ့တယ်။ အကျအဆုံးတွေလို့ ပြောရမှာ..အားနာစရာကောင်းရ
လောက်အောင်...ခမ်းနားခွင့်ရခဲ့ပါတယ်။အဲဒီအချိန်မှာ...ကျနော်ဟာ ကျောင်းသားတစ်ယောက်မဟုတ်တော့
ပေမဲ့...ကျနော့်ကျောင်းသားဘ၀လေးကို..ကျနော့်ကျောင်းသားတွေရဲ့ ဘ၀လေးတွေနဲ့...ယှဉ်ပီး...ရေးခဲ့ဖူးတဲ့
ကဗျာလေးတစ်ပုဒ်ပါ။အဟောင်းပေမဲ့..ကောင်းနေဆဲလို့ကိုယ်ကိုကိုယ်...မျက်ခွက်ပြောင်ပြောင်ချီးမွမ်းပီး
ရေးတင်လိုက်ပါတယ်။အေးသာယာဆိုတဲ့တောင်ခြေကမြို့ငယ်လေးတစ်ခုရဲ့..ညောင်ညိုပင်ရိပ်မှာရေး
ခဲ့တယ်လို့...ကဗျာအောက်မှာ...လက်ရေးသော့သော့တွေနဲ့..မှတ်တမ်းရေးထားတာကိုလဲ...ပြန်ဖတ်ပီး
ကိုယ့်ဘာသာပြုံးနေမိကြောင်း....။

ငါစာကျက်တဲ့နေ့

စိတ်လိုလက်ရ ခမ်းနားခွင့်ရတဲ့နေ့တွေမှာ
ငါဟာ..ငါ့စိတ်နဲ့အဝေးမှာ
ဟိုတစ်ချိန်ကဆိုတဲ့ ရင်ထဲကစာကြောင်း
နင်ပြန်မဖတ်ပါနဲ့တော့
ငါ့အနားမှာ...
နောက်ပီးတော့..နင့်အနားမှာ
ယင်ကောင်တွေ...တရုန်းရုန်းနဲ့လေ
ဂုဏ်သိက္ခာပေါ်မှာ....
သံယောဇဉ်ပေါ်မှာ....
ချစ်ခြင်းတရားပေါ်မှာ..
...အစရှိသဖြင့်...တွေပေါ်မှာ...
လာနားကြတဲ့အခါ
ငါက နင့်ကို...
နောက်ပီးတော့..နင့်အကြည့်တွေကို
တာဝန်အရ...အနီကဒ်ပြလိုက်ရတယ်။
လူဆိုတာ..ဟန်ဆောင်တတ်ရမယ်
လိမ်ညာတတ်ရမယ်
လှည့်ဖြားတတ်ရမယ်
ကျောင်းမှာမသင်တဲ့စာတွေ
ငါ..အိမ်မှာကျက်ရတဲ့အခါ
စိတ်လိုလက်ရ ခမ်းနားခွင့်ရတဲ့ရက်တွေမှာ
ငါဟာ..နင့်စိတ်နဲ့..အဝေးမှာ။ ။ ။

သရ