"The world full with sorries"

ခုတစ်လောအသက်ကလေးရလာလို့လားမသိဘူး။ဇေယျာကစကားပြော(အဲလေ...)ဇရာက စကားပြောလာတယ်ထင်ပါတယ်။
အရင်လို“ဒါဆိုဒါမှ”တို့“ဗူးဆိုရင်ဖရုံမသီးဘူး”တို့အဲလိုတွေသိပ်မဖြစ်တော့ဘူး။“အိမ်း..ကံ ကံရဲ့အကျိုးပေပဲ..ယောနိသောမနသီကာရပေါ့” ဆိုပီး...တရားရနေတာမျိုးလဲမဟုတ်ဘူး။
ဖြစ်သမျှအကြောင်းအကောင်းချည်းပဲ လို့ တွေးမိနေပုံပေါ်ပါတယ်...(နေပုံပေါ်ပါတယ်..ဆိုတာက
ကိုယ့်ကိုကိုယ်လဲလေ...သိပ်မသေချာလှလို့ပါ)။
ဒီရောက်တော့မှ...ဘ၀မှာ..သိပ် “ဟစ်ပ်” မဖြစ်ခဲ့တဲ့ “မသေချာခြင်း” တွေက ဘ၀ထဲမှာအလောသုံးဆယ်
ထွန်းကားလာတယ်။

“ချစ်တယ်” ဆိုတဲ့ ကျီစားမှုတွေကလဲ နိုင်ငံရေးလှည့်ကွက်တွေလိုပဲ..ဖြတ်သွားဖြတ်လာ
လမ်းသလားလို့။ဘ၀နှယ်....ယာဉ်ကျောရှုပ်လိုက်ပုံ။
တစ်ချို့ကတမင်တကာလွှတ်ချလိုက်တယ်။ တစ်ချို့ကမတော်တဆလွတ်ကျသွားတယ်။
ဘာပဲဖြစ်ဖြစ် ကွဲလွယ်ရှလွယ် ဖန်ထည်နှလုံးသားတွေကတော့...ကျိုးလွယ်ကျေလွယ်နေဦးမှာပါပဲ။
ဒါဟာ..ငါ့ရဲ့ဘူမိနက်သန်နေရာမှန်မှဟုတ်ရဲ့လား။
“ဆောင်္ရီး...ဆောရီး..” လို့ပြောတဲ့လူတွေသိပ်များတာပဲကွယ်။
များသောအားဖြင့်တော့..မောဟတွေက မှောင်ပါတယ်။
ဘာပဲဖြစ်ဖြစ် ရှင်သန်ရဦးမယ်။ ရှင်တော်ဘုရားက ညီတော်အာနန္ဒာကိုဟောခဲ့တဲ့တရားနဲ့
ငါဟာလဲ ရှင်သန်ရဦးမယ်။
“ဒီနေရာကိုနိုင်အောင်တိုက်..ဒီနေရာကိုမနိုင်ရင်နောက်တစ်နေရာမှာလဲကျဆုံးနေဦးမှာပဲ။
ဒီနေရာကိုနိုင်ရင် နောက်တစ်နေရာထပ်သွားမယ်” တဲ့။
ကျနော်ကရော..နိုင်ခဲ့ရင်...ဘယ်တွေများထပ်သွားရဦးမှာပါလိမ့်။

ငယ်ငယ်တုန်းကတော့ မျောက်အမေကြီးကားတိုက်တဲ့နေရာ ကိုအရမ်းသွားချင်ခဲ့ပါတယ်။
ဟားဗတ်ယူနီဗာစီတီဆိုတာမျိုးတွေထိ(မတန်မရာဆိုချင်ဆို..)မှန်းဆခဲ့မိပါတယ်။အီးကောင်းရမယ်။ အီးကောင်းမှရမယ်ဆိုပီး..ငယ်ငယ်လေးကတည်းက အီးကောင်းစေမဲ့အစားတွေ...
(အဲလေ...ယောင်လို့)...အင်္ဂလိပ်စာ ဘာညာကိုစိတ်မပါလက်မပါ စိတ်ဝင်စားချင်ယောင်ဆောင်ခဲ့ရပါတယ်။
မချစ်သောလည်းအောင့်ကာနမ်းဆိုသလိုပါပဲ။ ကျနော်က..ဖြစ်သာဖြစ်ချင်ခဲ့တာလေ။တကယ့်တကယ်မှာက
ခက်ခဲနက်နဲတာတွေကိုမခုံမင်တတ်တဲ့...ဘ၀ကိုပေါ့ပေါ့ပါးပါး နဲ့ ၀ါးတားဖော်လို..ဖစ်ခ်ျဖော်လို လိုက်ရင်း
ဒီလိုပဲဖြတ်သန်းသွားလာလိုက်ချင်တဲ့ ဂျင်းဘောင်းဘီဝတ်ပီး လက်ဖက်ရည်ဆိုင်ထိုင်တဲ့..သာမန်မြန်မာ
ပြည်ဖွား အညံ့စားလူငယ်တွေထဲကတစ်ကောင်ပါပဲ လို့ပြောလို့ရတဲ့ကောင်မျိုးပါပဲ။
ဒီအရွယ်အထိစားဝတ်နေရေးအတွက်ဆိုပီးလုပ်ခဲ့သမျှအလုပ်တွေအားလုံးကို...“လုပ်ရမဲ့တူတူတော့ ကောင်းအောင်လုပ်လိုက်ပါမယ်လေ” ဆိုတဲ့စေတနာလိုလို ဘာလိုလိုလေးတွေနဲ့ လုပ်ခဲ့ပါတယ်။
သာမန်ပါပဲ။ သိပ်ကိုရိုးစင်းလွန်းပါတယ်။
လူကောင်းတွေနဲ့တွေ့ခဲ့တယ်။လူဆိုးတွေနဲ့တွေ့ခဲ့တယ်။ မကောင်းသလိုလိုနဲ့မဆိုးတဲ့လူတွေ...
ကောင်းသလိုလိုနဲ့ဆိုးတဲ့လူတွေ..မဆိုးမကောင်း..လူတွေ..အများကြီးနဲ့တွေ့ခဲ့တယ်။
နောက်တော့ ရွှေတိဂုံဘုရားကိုအပတ်စဉ်ဖူးမျှော်ခွင့်ရဖို့....နယ်ကနေရန်ကုန်ကိုရောက်လာတယ်။
တနင်္ဂနွေတွေမှာ..မြောက်ဖက်မုခ်မှာရှိနေတတ်တယ်။
စိပ်ပုတီးတွေ တွေ့ခဲ့တယ်။သေနတ်တွေလဲ..တွေ့ခဲ့တယ်။
နောက်တော့..ခေတ်မီချင်စိတ်ပေါက်လာတာနဲ့...မေတ္တာသုတ်ရွတ်ပီး..ခြင်္သေ့တွေနေတဲ့ကျွန်းဖက်
ထွက်လာတော့တာပဲ။

ဒီရောက်တော့လဲ...“ဘ၀ကနေခြည်မဖြာ..ငါလေတကယ်ကိုသေဘီဆရာ” လို့..သိပ်မညည်းလိုက်ရပါဘူး။
နှစ်ပတ်လောက်ပဌာန်းရွတ်ပီးလှုပ်ရှားလိုက်တာ...အလုပ်ရသွားပါတယ်။
Right man in right place ဖြစ်ပါစေဘုရားပေါ့...။ဘုရားနားမှာ...တိုင်တည်..ပူဆာ..ဂျီကျ..။
ခု...တလောကမှရောက်လာတဲ့မိတ်ဆွေကျောင်းဆရာကမေးတယ်။“နင်ဘယ်လိုအလုပ်ရှာတာလဲ
၂ပတ်ထဲနဲ့ရတယ်...လုပ်ပါဦးဟ..နည်းလေးဘာလေးရှိရင် မျှပါဦး” တဲ့။ကျနော်မပြောတတ်ဘူး။
ပဌာန်းတွေ မေတ္တာသုတ်တွေရဲ့တန်ခိုးအာနုဘော်ကြောင့်လား...
ဘုရားနားမှာ...ဂျီကျတာပဲများသွားလို့လား..ကျနော့်ရဲ့မီးမကျိုးတကျိုး..မောင်မပျက်တပျက်စကားပြော
တွေကြောင့်လား...ဘာမှန်းမသိတော့ရင်...စကားထဲဆွဲသွင်းခံနေရတဲ့ ကံတရား...ဆိုတာကြောင့်လား...
အားလုံးစု ဆုံသွားလို့များလား...ကျနော်မပြောတတ်ဘူး။

ဘာပဲဖြစ်ဖြစ်...အားလုံးကိုအဆင်ပြေစေချင်ပါတယ်။တချို့ကဒီကိုလာရတာ..ဘုရင့်နောင်ကြောင်သလို
ကြောင်ခဲ့ရတာပါ။ တချို့တချို့ဆို..ဘုရင့်နောင်ထက်တောင်ပိုကြောင်ခဲ့ရပါသေးတယ်...ဖောင်လောက်တင်
မကဘဲ တိုက်တန်းနစ်လောက်ရှိတဲ့ သင်္ဘောကြီးတွေပါ..ဖျက်လာရတာရှိပါတယ်။
(တချိ်ု့..တချို့...တွေပြောပါတယ်..) ဘုရင့်နောင်ကကွာ..နိုင်ရင်လဲ...အိမ်ပြန်ဖို့လိုဦးမှာကိုများ..
ဘယ်နှယ့်သက်သက်မဲ့ဖြုန်းတီးတယ် ကိုယ့်စိတ်ကိုကိုယ်နိုင်ရင်ပီးတာပဲဟာ...လို့..ငယ်ငယ်က
ကလေးတွေးတွေးခဲ့ဖူးပေမဲ့....ကိုယ်တိုင်လဲ...သူ့လိုကြောင်ခဲ့ရတာတွေ...
ရှိခဲ့ပါတယ်။ရှိ ..ခဲ့..ဖူး...ပါ....တယ်။ဟဲဟဲ...။

လိမ်တာဟာရှက်စရာဆိုတဲ့အုပ်စုနဲ့..လိမ်ရတာဟာပျော်စရာ ဆိုတဲ့အုပ်စု..ခွဲချလိုက်ရင်..ဘယ်အုပ်စုက
ပိုအင်အားတောင့်မလဲဆိုတာ..ကျနော်တွေးကြည့်နေမိတယ်။ “အမှန်တရားက(ညကဘီယာမူးပီး) အိပ်ယာက
မထသေးမီ..မုသာဝါဒက ကမ္ဘာတစ်ပတ်ပတ်ပီးပီ ” တဲ့။ဒီလို ခေတ်ပျက်ကြီးထဲမှာ..သူတစ်ချက်ကလစ်
ကိုယ်တစ်ချက်ကလစ်..မုသားဝါဒ တွေ..ထွန်းကာဖောင်းပွနေလိုက်ပုံ။“လူအချင်းချင်းလှည့်ပတ်ခြင်း
ကင်းရှင်းကြပါစေ” ဆိုတဲ့တရား...ဘယ်ခေတ်မှ ထွန်းကားလာမှာလဲ။ “စင်္ကာပူမှာ..ဘာမှမကြောက်ရဘူး
ဗမာအချင်းချင်းလိမ်မှာပဲကြောက်ရတယ်” လို့...ဆရာကြီး စီနီယာကြီးများ သွန်သင်တာခံခဲ့ရဖူးပါတယ်။
ကိုယ့်ဗမာအချင်းချင်းမညှာမတာ လိမ်ကြတယ်ဆိုတာ...“ဗမာပီပီ ..ဗမာ့သွေးကိုပြကြပါ” ဆိုတဲ့စကားကို
နာခံတဲ့..“မျိုးချစ်စိတ်” တစ်မျိုးပဲဖြစ်မယ်ထင်ပါတယ်။

အလုံမှာနေတုန်းက အမှတ်တမဲ့သွားနာခဲ့ဖူးတဲ့ ဓမ္မဒူတဆရာတော် ရဲ့တရားလေးသွားသတိရပါတယ်။
“ခြင်းကျပ်ကျပ်ထဲမှာနေနေရတဲ့..ကြက်တွေချင်းအတူတူ..ဘာလို့အချင်းချင်း..ခွပ်နေကြမလဲ” တဲ့။
အိမ်ကြက်ချင်းချင်းအိုးမဲမက လို့..စက်ဆီပဲသုပ်သုပ်......ခွပ်ခိုင်းတိုင်းခွပ်တာ...မခွပ်တာက..
ကိုယ့်မေတ္တာတရားနဲ့ပဲဆိုင်တာမို့...ကျနော်ဘာမှပြောစရာမရှိပါဘူး။
ဘယ်သူ့ကိုမှတော့..မလိမ်စေချင်ဘူး။ဘယ်သူမှလဲ...အလိမ်မခံရစေချင်ပါဘူး။
ကိုယ်ကဘယ်သူ့ကိုမှ မလိမ်ဘဲနေလိုက်မယ်...ဆိုတာလေးကနေစပီး...အားလုံးကို
မေတ္တာ စပွားလိုက်ပါတယ်။ဘာအကြောင်းနဲ့ပဲဖြစ်ဖြစ်လူအချင်းချင်းလှည့်ပတ်ခြင်းကင်ရှင်းကြပါစေ။

ရန်ကုန်ကထွက်လာကတည်းက ကြောင်ဆရာဘ၀...(အဲလေ...) ကျောင်းဆရာဘ၀ကိုထားခဲ့ပီမို့
ဘယ်သူ့ကိုမှ ဆရာကြီးမလုပ်တော့ဘူးကွာလို့..ကိုယ့်ကိုကိုယ်ဆုံးမနေထိုင်ခဲ့တာကြာပါပြီ။
အဲလိုနေတဲ့ကြားကပဲ...လူကနေပေမဲ့ ပညာကမနေ ဆိုသလို...အလုပ်လာရှာတဲ့ မိတ်ဆွေသူငယ်ချင်းတွေကို
“ကြိုးစားဗျာ...ဘုရားတရားလေးလဲခပ်ပြင်းပြင်းလေးတွဲလုပ်ပေါ့” တဲ့...သွားပွားဖြစ်အောင်..ပွားလိုက်ပါသေးတယ်။ကိုယ့်ကိုကိုယ်လဲ..ဘယ်လောက်တပည့်ကြီးဖြစ်နေနေ
ဆရာကြီးဥာဉ်ဆိုတာ...တော်တော်နဲ့ပျောက်ခဲပါလား....လို့တွေးလိုက်မိပါသေးတယ်။
ကျနော်ဆိုတဲ့ကောင်က...အဲသလို....ယောင်တောင်ပေါင်တောင်...ကြောင်တောင်တောင်.....ကောင်။ ။ ။

ဟုတ်ပြီ
အဆင်သင့်ဖြစ်ရင်
ဆောရီးတွေတပွေ့တပိုက်နဲ့
လက်ခုပ်သံတွေပေါ်
ငါ
ရဲရဲပဲ ချော်ကျပစ်လိုက်တယ်။

(ဂင်္ဂါ)

Thank you 'Ganga'
for your words,

vowel(23.04.2010)